رباعيات بقلمي :
العمدة سيد الاشول
---------( زمن الطرابيش )---------
عادة قديمة وما أدراك مين اللي يلبس
الطربوش
كان اللي يلبسو ه هما الأفنديا وغيرهم
ميلبسوش
منبعد الملوك والأمراء وهما اللي يلبسه
ميزنهوش
لا كان ينفع يلبسه فلاح ولا عامل ما هو
ملهوش
-----------( عجبي )--------------
صحيح كان في ناس زمان يلبسوه مجرد
تغير
لجل ما يكون محترم بين الناس ومهواش
فقير
كان المصري يعشق يا أفندي يسعد بيها
كتير
لما يروح أي مصلحة يكون الأمر دايما له
يسير
------------( عجبي )--------------
المعلمين كانوا زمان هما أصحاب الطرابيش
العوام
علموا الطلبة لبس الطربوش و فرضوه بكل
الأحترام
كان الطالب يخلي ابوه يجيب طربوش ليكون
الملام
حتي أطفال الابتدائي والاعدادي لبسوه بدون
كلام
--------------( عجبي )--------------
مع كل ده كان في عادات وتقاليد في كل
مكان
الصغير يحترم الكبير و يوقره ويحفظ له
الكيان
لو عدي الكبير في أي مكان الكل يقف حتي
الشبان
يرحم زمان أيام الأحترام اللي راحت عالم
النسيان
------------( عجبي )--------------
تمت اليوم الجمعة
الموافق 11 يونيو 2021 ميلادية
العمدة ***** الشاعر
سيد الاشول ابو بلال
