....أهل جنة وأهل نار...للشاعر رمضان البربري...
أهل جنة وأهل نار
وناس عايشة تدق زار
وناس بايعة الدنيا
وطالبة الآخرة ليها دار
وناس في الآخرة متسألشي
عشان جاهلة مبتتعلمشي
كل لذ تها الدنيا
وعن الحساب متعرفشي
وظلم وفراق محاصرنا
وهم كتير معاصرنا
وناس بايعة ضمايرها
وناس تتحكم في مصيرنا
واللي كان زمان قرداتي
النهاردة بأة بية بهواتي
عمال يأفلم ويحور
ويشاور دي إنجازاتي
وخبيث يقولك أنا عصامي
وهو إبن كلب حرامي
نسي نفسة الأناني
بعد ما غير كل الأسامي
وصنف شايل سبحة يوماتي
وهو هلاث وفلاتي
بين الناس بوشين
وسارق مني شعاراتي
وصنف بطبعة بريء
زاهد في كل شيء
ماشي في طاعة الله
مضعش منة الطريق
وصنف بيخلط كلة بكلة
ومهما تقعد معاة وتقلة
دي حسنة ودي سيئة
يرميلك مساة بوردة وفلة
وناس وخداها بدراعها
تبيع وتشتري بمالها
تدوس ع الخلق وتبلطج
وتتسي زرع إللي زراعها
وإرهاب غاشم ع الشر ناوي
ووراة هناك إس البلاوي
إبن الكلبة الحمار الحصاوي
عبيط واهبل وللجن مخاوي
وناس عيشتها كلها شمال
تقلب الحق باطل بطال
مهلبتية بالإكراة
الحظ معاها كتير ميال
وناس نضيفة وعفيفة
إيديها بيضة و شريفة
حياتها عيش وملح
ونومتها حلوة و خفيفة
ليست هناك تعليقات:
إرسال تعليق
برجاء تسجيل التعليقات علي منشوراتنا للدعم لتحسين المستوي داخل المدونة للصالح العام .....
وشكرا جزيلا لحضراتكم
العمدة الشاعر سيد الاشول