كلمتين وبس : أول سلسلة الحبس ست شهور -- والجاي لأخر العمر سواد يا قمور

من رباعياتي : الشاعر \ جمأل نصر

 من رباعياتي :

الشاعر \ جمأل نصر

فيه ناس جمعتنا بيهم الصدفه وعلى التواصل صادقنا ناس

دول ناس بأخلاقها أسرتنا وكلها إحساس وتتاقل بالماس

ناس سكنوا القلب بنحلم إمتى وإزاي يأنسونا ويسامرونا

ماكفاية علينا إنهم بالوفاء وإلإخلاص بقوا لنا تاج عالراس

#جمال_نصر

كلام إلليل المدهون بزبده ولما بيطلع عليه النهار ويسيح

وإللي بيحلم يجاور القمر في الهوى هيركب له المراجيح

وترفعه فوق تفاريح وتنزله من سابع سما وقلبه مكسور

ويعيش أحلام العصافير الحبيب هيجيله على بساط الريح

#جمال_نصر

من رباعياتي :

كان ليا صديق غالي سكن قلبي وسما في عيني وإتعلى

كنا دايما على الحلوه سوا بحب نتوالف نتسامر ونتسلى

ياما وقفت معاه في المره كنت له كتفه إللي عليه ساند

وقت شده كلهم إنفضوا منغير سلام إلا هو وفائه إتجلى

#جمال_نصر

رباعياتي :

انا النهارده باتمناك هنا جنبي تضمني وترقيني وتسمي

حبيبي من بعدك حيرانه ومش عارفه أشكي لمين همي

عطشانه في نهر دموعي وإلأيام غداره قاسيه ما بترحم

وحشتني بحنيتك وطلتك إللي بتكحل عيني وتروق دمي

#جمال_نصر