منتديات مجلات العمدة الألكترونية للتوثيق - للشعر و الأدب للشاعر سيد الأشول

 

الشاعر جمعه الجر

هروب للنفس

بهرب من نفسى إلى نفسى وبسألها اكون أنا مين...

مابين حزنى وبين يأسى..

مقسوم اتنين...

ووهم جوايا مصورلى..

انى أقدر اكون عنتر..

لا اكتر كمان واخطر..

واقدر اقلب الدنيا..

وفى ثانيه..

احولها لنار ودمار..

واحارب كمان ملاين...

وفى نفس الوقت القانى..

اضعف من انى اتمنى...

واستنى زمانى يسعدنى..

واحقق احلامى واتهنى...

ارجع لنفسى اسألها..

ايه مالى وكان مالى..

تقوم هى سألانى..

وانا اجيب الاجابه منين...

ارجع لنفسى واعاتبها..

أنا ليه الدنيا شغلانى..

وهمى أعلى أنا وأكبر..

من غير مااتعب ولا اعانى..

وأفضل اشكى أنا وابكى..

وأقول الدنيا ظلمانى..

لو هتعب و أنا بسعى...

مالسه العمر قدامى...

جمعه الجر