الاشول يكتب الأن بدون رتوش وزواق
------- رباعيات رقم *8 * ---------
يا راعي الغنم غنمك زهق منك
تعب من حضرتك وضحك وزنك
ملبسهم العمة وملمع راسك ودقنك
غنمك عايش مستني يسمع أذنك
------------- عجبي ----------------
رحلة وكانت كلها للدمار
رحلة مشيناهاوربك الستار
مابين الطريق ونهايته تحتار
عجل بيضرب ومسامير تنهار
------------- عجبي ----------------
سابح وسارح في ملك الله
الكون هو سيده قلبي هواه
خلقنا من أدم واحد وسواه
ومنه حواء وبيها ربك أهداه
------------ عجبي ----------------
مين اللي يعرف طريق الجنة فين
يشاورلي عليه وأنا وهو لها رايحين
المهم الحب يكون لله مهواش كلمتين
يتقالوا وخلاص في جلسة أو جلستين
------------ عجبي ----------------
كلنا نقول يارب ** فك عننا الكرب
نحن علي الدرب ** وليس لنا ذنب
الشكوي لغيرك مذلة**ولغيرك علة
لنا بحبك أداب** وقلبي بعشقك داب
------------- عجبي ----------------
رويت ورودك بدمع العين
باكي علي فراقي لك حزين
تركتني للعذاب وغيبت فين
هواك شغل فؤادي يا زين
------------- عجبي ----------------
شرقت أوغربت روحي معاك
خليك حافظ ودي الغالي وياك
لو صنته تلقاني مستني هناك
بعش المحبة اراجع فيه ذكراك
------------- عجبي -----------------
رسمت الضحكة أمام البشر بعنية
والآلم كاويني وناره والعة جواية
أفعالهم الخسيسة بالظهر كما السلاية
لكن عرفت أروضهم في يوم بأيديه
----------- --عجبي -----------------
صراع بداخل الجسد شغال
و مش قادر اقاوم ده الحال
كل يوم يمر بينا في أحوال
دواير بتدوردمعنا فيها سال
------------- عجبي -----------------
غنيت للآشواق لجل يوم ما تجيني
ضحك عليه وقتي وعمل ناسيني
أنا اللي أعطيتك وليه ما تعطيني
أملاء كفوف الراح ومنها أكفيني
------------- عجبي -----------------
باأعاني النهاردة من البشر الخسيس
أخد له شمة وبرشامة غاوي تهليس
رغم انه وسط الخلايق كلها سيس
خالي من كل شيئ حتي الأحاسيس
------------- عجبي -----------------
تمت بحمد الله
اليوم الخميس الساعة 20 \ 11 مساء
الموافق 27 ذي القعدة 1439 هجرية
الموافق 9 - 8 - 2018 ميلادية
العمدة ***** الشاعر
سيد الاشول ابو بلال
ليست هناك تعليقات:
إرسال تعليق
برجاء تسجيل التعليقات علي منشوراتنا للدعم لتحسين المستوي داخل المدونة للصالح العام .....
وشكرا جزيلا لحضراتكم
العمدة الشاعر سيد الاشول