رباعيات هامة
الشاعر سيد الاشول ابو بلاليوليو
21
Sayed Elashoal
الاشول يكتب الان بدون رتوش وزواق
🌹✍️❤️🙄😰🐠🌻😍🤔🤗🤲✍️🌹
—————-رباعيات هامة —————-
ركبت الموج وأنت ما تعرف تعوم
حرام عليك يا مسكين ركبت الهموم
بحر الحياة غريق مهواش شيئ ملموم
اللي ينزله يكون سباح مايكنش لملوم
——————– عجبي ——————
لو كان زمانك في يوم عدي منك وفات
أوعي الشيطان يشتغلك وتقول البعيد مات
خليك شامخ كما الجبال ما تهزك الهفوات
عيش حياتك بخطي سليمة ونظم الخطوات
——————– عجبي ——————-
خليك في ركاب الأيمان عبد من المساكين
اللي هما أهل الذكر الناس الحلوة الطيبين
انضم لجماعة الحب في الله الطلبة المريدين
دول أجمل خلق وعن الدنيا دايما مشغولين
——————– عجبي ——————-
كلمة بسيطة بس مهياش خفيفة في الميزان
خليك دايما بالاصول ماشي بين الناس أنسان
ماشي كل راجل جدع أصيل مهواش جعان
عايش بالسحت له أزرع طويلة في كل مكان
———————عجبي ——————-
يا جميل يا اللي لسانك كلامه شهد مكرر
دايما الناس تحبك وما في يوم منك تتمرر
مهما قالوا عنك أهل النميمة ميتك ما تتعكر
تزيد لك محبتهم وقلوبهم منك ما لحظة تتوتر
——————– عجبي ——————–
يا أبن أدم قبل ما تبص للخلق بص مره لنفسك
راجع حساباتك تلقي ما حد منهم في يوم لمسك
أفتكر أنك زي الزجاج تتهشم لو حد منهم دهسك
اللي ما تقبله علي نفسك أنساه وشيله من رأسك
——————– عجبي ——————–
لوضاقت الدنيا عليك أجري علي مركب الصير
اللحق لك فيها مكان وأفتكر أنك راحل الي القبر
تتبدل الاحوال في لفتة أوثانية ويتغير بيك الامر
سيب البشر اللي ما منه فايدة كما الغرابيب السمر
——————– عجبي ——————–
ماشي في درب الحياة الصعبة وشاعر أني غريب
الدنيا حواليه كما الغابة شايف فيها كل شيئ عجيب
هنا فيه ناس ومش أي ناس الواحد منهم بألف لبيب
هناك بشرالغش والفكاكة طبعهم والواحد منهم ديب
——————– عجبي ———————
دنيا زي مسرح كبير والكل عليهاعايشين ممثليين
فيهم اللي واخد دور البطولة وناسي هوأصله منين
التاني تلقاه طبال أو زماروممكن رقاص بس متين
بس الاغلبية هما الكومبارس ماليهم عازة مدفونين
——————– عجبي ———————-
لو فكرك اءن المشي المعوج يخليك في يوم أنسان
تبقي وقعت في شرأعمالك وراح تروح جهنم كمان
راجع لحظة نفسك شوف الغلط فين وأفتكر الزمان
ياما كان فيه أفرس منك مهارة النهاردة ما لهم كيان
——————– عجبي ———————-
معلش لسة في الكلام بتعنا بواقي بس هي زيد الكلام
نرجع للآصل والجد كلنا ماشيين منها ربك هوالعلام
يا هل تري مين اللي سدد اللي عليه وطلع جدع همام
ومين طلع منها خسران وضيع من بين أيديه الزمام
——————– عجبي ———————-
تمت بحمد الله
اليوم الجمعة الساعة 35 \ 6 صباحا
الموافق 7 ذي القعدة 1439 هجرية
الموافق 20 – 7 – 2018 ميلادية
العمدة ***** الشاعر
سيد الاشول ابو بلال
ليست هناك تعليقات:
إرسال تعليق
برجاء تسجيل التعليقات علي منشوراتنا للدعم لتحسين المستوي داخل المدونة للصالح العام .....
وشكرا جزيلا لحضراتكم
العمدة الشاعر سيد الاشول