قصيدة بقلمي :
العمده الشاعر سيد الاشول
----( ما كنت بحالي )----
كنت قاعد في حالي
كافي خيري شري
دخل عليه شيطان
قال لي انا لك شاري
بسلامة النيه الطيبه
قولت أماشي أجاري
بدأت رحلة العشره
وعرف كل اسراري
خبي اللي في ضميره
وللأسف أنا ما داري
أخص عليك يا حظ
رمتني بحضن حقاري
حاول الشيطان انه يقلبني
فكر ب معرفته ليه يأدبني
و في مقتل يقدر يضربني
عايز ب أسراري يحاربني
ماهو اللي طلب يصاحبني
ظهر ب وشه الشيطاني
عنيه مليانه تجريح الجاني
ظن إنه ب القذاره غواني
ظن اني جاي من عالم تاني
ونسي أني عبد محمي رباني
يا دنيا داري عني مره بلاويك
طالما إني مازلت حي فيك
إزاي الأنسان يقدر يجاريك
مر عليكي دهور مش كافيك
أنا عبد مسكين وعاتب عليك
يا شيطان الأنس يهدك ربنا
مين جابك و سكنك في حينا
حي المساكين ما حدش قدنا
عايشين بالفترة و مين يهدنا
الصبرطول العمر مركب لنا
------( ما زلنا هنا )-------
اليوم السبت الموافق
13 من مايو 2022 ميلاديه
العمده ***** الشاعر
سيد الاشول ابو بلال
ليست هناك تعليقات:
إرسال تعليق
برجاء تسجيل التعليقات علي منشوراتنا للدعم لتحسين المستوي داخل المدونة للصالح العام .....
وشكرا جزيلا لحضراتكم
العمدة الشاعر سيد الاشول