قصيدة بعنوان
أنا الممنوع 
انا الممنوع
أنا الممنوع فى زمن
كترت فيه الدموع
بسبب إنه ضاع فيه الممنوع
قالوا
عن التبرچ حريه شخصية
واتفتحت بسببة ألف قضية
كانت بدايتها تحرش
من شوية عيال ناقصة تربية
قالوا
عن كلمات وموسيقى هابطة أغنيه
وضاعت معاها الأصاله والقيمة الفنيه
على إيد أشباه رجال
هما للفن مدعيه
قالوا
عن الخيانه الزوجية
ديه أحاسيس ومشاعر رومانسية
واتقفلت بسببها بيوت
كانت مبنية على علاقات شرعية
قالوا
عن حقوق كانت ليه
ضاعت بسبب الرشوه والمحسوبيه
اعتبروها حقوق ملكيه وخدوها
منى شوية حراميه
قالوا
عنى مش مصرية
وسقطوا عنى الجنسية
دمرونى وكسروا قلبى
لما ضيعوا منى الهوية
قالوا
عن فقير يعينى غلبان
ماشى فى الدنيا تعبان
بسبب جماعه غنيه
استكتروا عليه الفول والطعميه
وبخلوا عليه فى النقديه
قالوا لا زكاة ولا صدقة هانديه
ولو طولنا م الدنيا هانمحيه
قالوا
عليا لما حاولت
اعالج كل سلبيه
إن مش من حقى وممنوع
وضربونى ضربه قويه
موتونى وقفلوا القضيه
لكنى هاخلى قبرى صرخة مدويه
تقتل كل ممنوع
وتصحى كل ضمير بالدموع
يعالج بدموعه كل سلبيه
بقلـــــــــــــــم 
الشاعرة جيهان الطنطاوى
الشاعرة جيهان الطنطاوى
ليست هناك تعليقات:
إرسال تعليق
برجاء تسجيل التعليقات علي منشوراتنا للدعم لتحسين المستوي داخل المدونة للصالح العام .....
وشكرا جزيلا لحضراتكم
العمدة الشاعر سيد الاشول