سهرة أبيات على طريقة شاعرنا الجميل صلاح چاهين
انا الورد ع الغصون
بحب كل اللى يصون
عشرة الحب
فى زمن كل صاحب فيه بيخون
يادنيا الحب فيكِ محيرنى
كل ما انام يسهرنى
بحرقه قلب ونار
بحب فى قلبى دمرنى
على إيه جاى تعتذر
وانا قلبى على بعدك قدر
ينسى ويعيش الحياه
بعد ما الشر سكن قلوب البشر
ندا الحب عليا
بصوت خلى الدمع ف عنيا
صرخة بصوت مسموع
يمكن ألاقى حبيبى جاى يسلم ليا
الناس كلهم معادن
لكنى مش لاقيه غير الخاين
يقولى احلى كلام
ويطلع فى الآخر لغيرى باين
انا اللى بحب البدر
واغنى واكتب شعر
لكن لما جيت اكتب
ماعرفتش اكتب سطر
انا مصرى فطارى فول
اكله واغنى واقول
يامصر انا ابنك
وبحبك يابنت الأصول
الشر طارح جناين
فى دنيا كل مافيها خاين
حتى اللى كنت فاكرهم احبابى
طلعوا اندال واصدق مافيهم طلع تعبان
خلى الحب فى قلبك
هايصحبك ويفضل جنبك
لو كنت صادق فيه
بجماله وسحره هايهنيك
كلمه فى سرك هاقولهالك
لو الشوق جه فى بالك
بحبك انت وبس
ياقمر ماشى بدالالك
بيقولوا الشعر فى جمالى
طب مايقولوا وانا مالى
انا مشيه ف الدنيا
بفكر بس فى حالى
ياأبو العيون نعسانه
صحيها عشانى شويه
كلمها واحيكِ لها على حبى
وبطل تقسى عليه
طولت الغيبه عليا
قولت دا قلبى وعنيا
ومسير الشوق يجيبه
ويدفى بشوقه إيديا
ياساكن فـــــ الهوا قلبى
من بحرى ومن قبلى
قولى هاترجع أمتى
تمسح ليه دمعى
انا عايزك تبقى ليا
وتذوق الشوق فـــــ عنيا
لكن ياحبيبى ديه أمنيات
وتحقهها مش بإيديا
الليل ياما سهرنى
بشوق مايصبرنى
على بعدك ياقمر
ياللى بنورك تملى بينورنى
تصبحوا على خير ياأحبااابى
يالى بنوركم بتنوروا اعتابى
بتمنى اشوفكم على خير
ياهديه من ربى بعتهالى
بقلـــــــــــــــــــ
ـــــمى
ـــــمىجيهـــــان الطنطــــــــاوى
ليست هناك تعليقات:
إرسال تعليق
برجاء تسجيل التعليقات علي منشوراتنا للدعم لتحسين المستوي داخل المدونة للصالح العام .....
وشكرا جزيلا لحضراتكم
العمدة الشاعر سيد الاشول