منتديات مجلات العمدة الألكترونية للتوثيق - للشعر و الأدب للشاعر سيد الأشول

الكل اتعلم انه يسال
والاجابه عند مين
حدعارف مين بيقتل
مين شايل ذنب مين
مين يتم البنت ديه
مين قهر الام ديه
مين ياشرفاء قولولي
انتهك شرف الصبيه
اي ملة ..واي دين
قتل النفس شيءمحرم
في الانجيل
في التوراة
حتي في كتابنا المبين
دم مينا
ودم احمد
حتي يفرق
دم مين عن دم مين
اوعاك تقول ده مسلم
او مسيحي
او اي ملة
المؤكد انه شيطان
بس لابس توب النبوه
عايش دور الصالحين
ياعروبتي متخافيش
مهما قتلوا النهارده عيدك
دمي هيفضل ناره حاميه
دمي هيفضل في وريدك
كل يوم يموت شبابك
بكره مستني وليدك
مش مهم يموت عريس
بكره ياما بطنك
لما طلقك يجي بكره
هيتولد مليون عريس
ومهما حاولوا يكفروك
او يكسروك
في النهايه لينا رب
فيه اله
وحده بس هو قادر
انه يبدل موتي فيك بالحياه
انه يثبت دينه فينا
طوق نجاه
اصل مهما قاتلوا
ومهما فتنوا
هنفضل بشر
وبرضو هيفضل هو الاله
هو القوي واحنا الضعاف
ولما الاله يقول كلمته
نفهم حكمته
وحده له الملك والملكوت
وعشان هو الملك
مش لازم ابدانخاف
احمد عبدالحق