منتديات مجلات العمدة الألكترونية للتوثيق - للشعر و الأدب للشاعر سيد الأشول

انالسه مبتدئه بالكتابه بتمنى تشجعوني وتساعدوني مع تحياتي لكل من يهتم لأمري::

لما لقيت المصباح
قلت خلاص فرجت
حدعك بايدي المصباح 
وهعيش عيشه هنيه وارتاح
طمنت نفسي وقلت خلاص
كل شيءايل للأصلاح
ولما دعكته باديه
طلع العفريت وقالي
شبيك لبيك
انا عبدك بين ايديك
اامري ياعنيه
قلتلو عوزك تغير حال البلد ديه
حالها ميسرش وتفشت فيها العدوانيه
والارهاب استغل الدين والطائفيه
والحكام مش حاسين بالمسؤوليه
وتعبنا من مطاردة البلديه
والفقر انتشر والدين تراكم عليه
خلصني ياعفريت
وديني مكان فيه راحة شويه
فيه ناس يتعاملو مع بعضهم بشوية حنيه
او تحولني لزمان مفيهوش انسان يغدر بانسان
مع شوية امان وحريه
حزن العفريت وقال ::
قبل منك كنت عند واحد سلطان
اعد ع كرسي من البركان
ظالم ومفتري وسجان
خد مني جوازي
ودفتر ذكرياتي
وحبسني في قمقم من زمان
ودلوقت انا عوزك تنقذني ياانسان
وباعتذر مش قادر البي طلبك
وخرجك من لمتهان
علشان قوتي راحت مع سالف الزمان
من ايام سندباد وعلاء الدين كمان
بس بحاول احكيلك مع ملوك الجان
وضحك بسخريه مني وقال
اصحي متصدقيش ده خيال
اصحي من عالم الاحلام
ده مجرد كلام حكاوي واوهام
رديت عليه
طب مش قلت شبيك لبيك
انا عبدك بين اديك
انا مش عوزاك تكون عبد ليا
بس ساعدني الله يهديك
كل اللي عيزاه تغير حال البلدان
ضحك العفريت عليه وقال
يسلام
انا لوكنت قادر كنت حررت نفسي
من سجن المصباح من زمان
بقصد من سجن السلطان
وفضل يضحك ويضحك
لغاية مصحيت من الاوهام
اتاريني كنت بدنيا الاحلام ##