منتديات مجلات العمدة الألكترونية للتوثيق - للشعر و الأدب للشاعر سيد الأشول

من شويه كان معايا
كان كلامي بالحروف
حتي سلامي اللي كان من سكات
كان معايا
اصل ميقدر يعيش
كان حلم عشته بكره
حتي كان يومي اللي فات
سالت قلبي فين مشاعري
في لحظه سكت
ولحظه تانيه رد قلبي
ميت خساره علي اللي مات
------------------------------
هي حاله من جنون
مش مهم تحب حد
كله ضحك وعالدقون
مش مهم تخلص لقلب
هو يعني اخرتك جنة
اخرتك دمعة في عيون
اخرتك اهة بتدبح
ياما فيه قلوب تسامح
ياما فيه قلوب بتجرح
كله في الاخر خيانه
وطول مافي مشاعر جبانه
وطول مافي المشاعر
فيه غرور
بس غرور لابس اهانه
وبامانه قلبي حبك
بس خساره بعد ماحبك
جم قالولي انه مات
مات صغير
حتي مالحقش يفرح
كل دقه كانت في قلبك
كانت بتجرح
حتي في عز سكاتك
كان سكوتك سيف بيدبح
خساره مات
بعد ماتكون جنين
جوه بطنك
كان وجع ديما يطيب
اتولد جوه في حضنك
ولما افتكر بيك يفرح
كان طبيعي يعيش بحزنك
هي ايه ..
لحظه حبت تتولد
جالها الوجع
وحب حلمه يتوجد
مات من الصرع
ياحروف الحب ممكن
توصفيها
تكتبيها
حرام كل مااحس بيك جواها
تبكيني
كل مااحس نفسي
تبكيها
احمد عبدالحق