#احبابي#في الله تابعونا احبكم الله
# موال # بقلمي #
يا ليل يا عين --- يا ليل يا عين
يا ليل من رماك علي مسكين
حيران
ليه يا ليل تصحيه طول وقته
سهران
مالت عليه الدنيا والناس وانت
كمان
يا ليل يا عين --- يا ليل يا عين
عاش الولد بين الخلايق وهو
وحيد
حاله مايعلم بيه حد والكل عنه
بعيد
خليته سهران يفكر بحاله بحزن
شديد
يا ليل يا عين --- يا ليل يا عين
ليه ب تصحي جواه مأساة لها
سنين
نارها كانت انطفت والبشر كانوا
ناسين
ظهرالعذاب من تاني ومنين يلقي
حنين
يا ليل يا عين --- يا ليل يا عين
رايح أشكيك للي يسقيك من مرار
كاسي
تفتكر عذابي وظلمي اللي سقاهوني
ناسي
ما تلقي في سماك قناديل و تحس ب
إحساسي
يا ليل يا عين --- يا ليل يا عين
موالي غنيته علي صوت ساقية
وناي
حزين
سمعته الطيور بكت ورددته أجمل
يمامتين
قالوا بعلو الصوت أعبدوا الله رب
العالمين
يا ليل يا عين --- يا ليل يا عين
------( موال الليل الحزين )-------
اليوم السبت 21 نوفمبر 2020 ميلادي
العمدة ***** الشاعر
سيد الاشول ابو بلال
#احبابي#تابعونا#جزاكم#الله#خيرا
